Qinersiartunngitsut ajugaapput
Naalagaaffiup sinniisaata kisitsisaatigigallagai naapertorlugit qinersisinnaasut 57,4 procentii taasiartorsimasut, 2007-mi qinersiartortut 63,2 procentiullutik.
Kalaallit Nunaanni naalagaaffiup sinniisaata nalunaarutigaa qinersineq ima inerneqartoq
IA 9780-nit taaneqartoq
Siumut 8499-nit taaneqartoq
Demokraatit 2882-nit taaneqartoq
Atassut 1728-nit taaneqartoq
Qinersisinnaapput 40.930-upput, 23.493-illu taasiartorput. Qinersiartortut taamaalillutik 57,4 procentiusut naalagaaffiup sinniisaata nalunaarutigaa.
Qinersinerup inernerisa takutippaat (2007-mi taasinermut procentimut sanilliullugu),
IA 41,6 % (33,3)
Siumut 36,2 % (32,1)
Demokraatit 12,3 % (18,3)
Atassut 7,4 % (16,3)
Taamaalillutik IA oaamma Siumut siariangaatsiarput Demokraatit Atassullu kinguariarujussuarlutik. Qinersiartortulli amerlassusaat ajorluinnarpoq, tamannalu Atassummik Demokraatinullu kingunipiloqarsimagunarpoq.
Naalagaaffiup sinniisaata erseqqissarpaa qinersinerup inerneri tamakkiisut qinersinermut ataatsimiititalianit tamanit suli tigusimanagit, paasissutissalli amigaataasut qinersinerup inerneranut sunniuteqangaarnavianngitsut. Qinersinerup inerneri amigaataasut Pituffimmiit (qinersisinnaasut 161) aamma Iginniarfimmit (qinersisinnaasut 55) pisuupput, naalagaaffiup sinniisaa oqarpoq.
Qineqqusaartut 16-it ima taagorneqarput:
1. Sara Olsvig, IA, 8129
2. Doris Jakobsen, Siumut, 5.709
3. Niels Thomsen, Demokraatit, 2.055
4. Vittus Qujaukitsoq, Siumut, 1.317
5. Steen Lynge, Atassut, 870
6. Nick Nielsen, Siumut, 800
7. Johan Lund Olsen, IA, 680
8. Akitsinnguaq Olsen, Siumut, 464
9. Sofia Rossen, IA, 427
10. Hans Lyberth, Atassut, 313
11. Aviaaja Karlshøj Poulsen, Demokraatit, 306
12. Knud Kristiansen, Atassut, 256
13. Nikoline Ziemer, IA, 240
14. Arnannguaq Blytmann, Atassut, 183
15. Michael Rosing, Demokraatit, 168
16. Ane lone Bagger, Demokraatit, 138
Naalagaaffiup sinniisaata naqissuserpaa IA assmerlanerpaanit taakorneqarsimasoq. Sara Olsvig IA-meersoq taagorneqarnerpaavoq Folketingimullu iserluni. Tulliuvoq Siumumiit Doris Jakobsen Siumumi taafgorneqarnerpaalluni Folketingimullu iserluni, Mikaela Engell allappoq.