Demokraatit: Aleqa, sapingilatit?

Demokraatit Aleqa Hammond unammilerpaat: Tamanut ammasumik oqalliseqataanissannut sapinngilatit?

Demokraatit Aleqa tamanut ammasumik oqalliseqatigerusuppaat. Ass.: Sermitsiaq Arkiv, årets polarfoto

Siumukkut piviusuunerasaat Demokraatit naammigilerpaat. Maannakkullu partiip Aleqa Hammond unammillerpaat: Tamanut ammasumik oqalliseqataanissannut sapingilatit?

- Siumukkut periuseriniagaat sivisuumik ersarippoq. Partiip Naalakkersuisut sorpassuarnut pisuutippaat. Kingullermik Nunatsinni uuliap akiata qaffanneranut Aleqa Hammond-ip Naalakkersuisut toqqaannanngikkaluamik pisuutippai. Taamatut pisuutitsiniaaneq quianaannarporluunniit, naluneqanngimmat akitsuinerit nunarsuatsinni akit qaffakkiartornerannik pissuteqartut. Siumukkut eqqunngitsunik isornartorsiuisarnerat - amerlavallaatigut naqqinneqarneq ajortut - tusaakatappakka. Tamakkunannga tunngaveqrlunga tamanut ammasumik politikkikkut oqallinnernut Aleqa Hammond unammillerpara.

Partiit taakkua marluk akornanni oqallittoqarnissaa kissaatigalugu Demokraatit taamatut allapput.

- Oqallinneq naammaginarunnaarpoq. Kingullertigut Siumup siulittaasuata KNR-ikkut naqissuserpaa, uuliap akiata qaffanneranut Naalakkersuisut imaalitsiaannaq pisuunnginnerarusunnagit oqarpoq.

- Ilumummi; Naalakkersuisut sorpassuarnut pisuunerarneqarsinnaangaluarput, nunamili 56.000-inik inulimmi naalakkersuisut nunarsuatsinni uliap akia sunniivigingaarsinnaassagaat ilimaginngilara.

Neriuppungali Aleqa Hammond politikkikkut isummat aallaavigalugit oqalliseqataanissaminut sapinngitsoq. Arlaannaannuluunniit attuumassuteqanngitsumik aqutsisussaq, ini naapiffissaq kiisalu tusarnaartut soqutiginnilluartut taamaallaat pisariaqartippagut, demokraatit politikkikkut oqaaseqartartuat, Niels Thomsenoqarpoq.

Powered by Labrador CMS