Dronningip angalanermut kontua isornartorsiorneqartoq
Kunngikkormiut aningalanermut aningaasartuutaannik takunninnissaminut B.T akuerineqarsimavoq. Aningaasartuutit imaaginnavipput, isorinnittut isumaqarput
Annonse
Dronningip malittaasalu nunarsuarmi angalatinnerat akikitsuunngilaq.
B.T. allappoq aningaasartuutit imaaginnalivissimasut ukioq mannalu angalanermi aningaasartuutit 47 millioner koruuninngussasut.
Pingaartumik kunngip umiarsua Dannebrog, qanittukkut nunatsinniittoq, aningaasartuutaasarsimavoq.
B.T. allappoq Dannebrog 2010-mi akissarsianut, orsussamut aserfallatsaaliinermullu 35,6 mio. kr.-inik akeqarsimasoq. Ukiut sisamaannaat tamatuma siuliani, 2007-imi, umiarsuup ingerlanneqarnera 25 mio. kr.-nit missaannik akeqarsimavoq.
Illersornissamullu ministereqarfiup aningaasartuutit akiligassarai.
Tamanna ingasappallaaqaaq, politikerit immikkullu ilisimasallit arlallit isumaqarput, tassa sakkutuut sipaarniuteqarfigineqaqqammermata.