Umiarsuarmi umiartortunngorniat angallataanni kalaallit ilaapput
Umiartortunngorniat umiarsuaat Georg Stage, qaammatini pingasuni Europap imartaani angalareerluni Hundested-imut tikippoq
Da Skoleskibet Georg Stage ankom til Hundested havn sidst i Juli 2011, var Astrid Larsen fra Frederiksværk blandt publikum.
Her mødte hun Gudrun Josvassen fra Nanortalik, der havde køkkentjansen den dag og var i gang med at skrælle 20 kilo kartofler.
- Umiartortunngorniat umiarsuaannut ilaalluni ilikkarnarlunilu naalliuperaarnartarpoq. Danmark-ip imartaaniit Spania, Portugal, Madeira, Frankrig kiisalu Tuluit Nunaat aqqusaaarlugit angalaarpugut. Nuannersunik misigisarpassuaqarpunga, Gudrun Josvassen taamatut Astrid Larsen-imut oqaluttuarpoq.
Umiarsuarmut aamma ilaapput Kain Heilmann, Maniitsumeersoq, Steve John Johnsen, Ilulissaneersoq kiisalu Julie Lily Fritsen, Nuussuarmeersoq.
Umiartortunngorniat umiarsuaat Hundested-imiitsiariarluni Bornholm-ip avannaani qeqertamut Christiansø-mut ingerlaqqippoq, tassani umiartortunngorniat allagarsorlutik misilitsittussaapput. Umiartortunngorniat septembarip aappaanni niussapput.
Paasissutissat:
GEORG STAGE umiarsuit umiartortunngorniat angallataasa sisamat ilaat, taakkua Danmarkimi umiartortunngorniat tunngaviusumik ilinniarfigeqqaartarpaat. Imarsiortunngorniat atuarfiat umiartortunngorniat umiarsuaannik GEORG STAGE-mik aallaavilik 1882-imi tunngavilerneqarpoq, taamaalillunilu nunarsuatsinni imarsiortunngorniat ilinniarfiisa qanganisaanersaralugu.
Taassuma umiarsuup ilinniarfittut ingerlariaasaa assilillugu Tyskland-imi, Tuluit Nunaanni kiisalu Norge-mi imarsiornermik ilinniarfii ingerlanneqarnikuupput. Umiarsuarlu arlaannut pituttorsimanatik ingerlanneqartut kisiartaraat - tassa umiarsuaq nunami ilinniarfinnut attaveqarani ingerlanneqarami, soorlu nunarsuatsinni sakkutuujunngitsut imarsiortunngorniat ilinniarfii allat taamatut ingerlanneqartut.
Ilinniarfik nunat tamat Imarsiorneq pillugu kattuffiannit IMO-mit (International Maritime Organisation) akuerineqarnikuuvoq. Umiarsuarmi tungaviusumik ilinniarneq soorunami aamma nunat tamat piumasaqaataat naapertorlugit ingerlanneqartarpoq. Tamatuma kinguneranik minnerpaamik isumaqatigiissut STCW-konventionen naapertorlugu ilinniakkamik naammassinninnermi uppernarsaatinik tunniussisoqartarpoq.
Ilinniartitaaneq imarsiornermik nakkutilliisoqarfimmit Søfartsstyrelse-mit nakkutigineqarpoq, taanna Aningaasaqarnermut Inuussutissarsiornermullu ministereqarfimmut atasuuvoq, tassanilu ilinniartitaaneq nakkutilliisorqarfiup ilinniartitaanermut pilersaarusiorneranut aallaaviulluni. Imarsiortunngorniarnerup ingerlanneqarnera pitsaassusaalu, ilinniarfiup siulersuisuisa Søfartsstyrelsemik qanimut suleqarteqarnerisigut ingerlaavartumik tulluarsarneqartarpoq pitsanngorsaavigineqartarlunilu.
Paasissutissat: georgstage.dk