Kalaallit inuusuttut Rusland-ilialerput

Kalaallit tallimat Aalborg-ip eqqaani najugallit, kalaallit kulturiat oqaluttuariartorlugu festivalimut "Children of Arctic"-imut, Rusland-imi aggustip 20-anniit 31-ata tungaanut ingerlanneqartussaq peqataaffigiartulerpaat. Taamatut nordjyskeugeaviser.dk-mi allassimasoqarpoq.

- Anders Bilgram-ip, umiatsiamik Issittup imartaatigut paasisassarsioqataasimasup suleqatigineratigut peqataanissaq aaqqissuunneqarsimasoq, Jan Thrysøe, Aalborg-imi kalaallit illuutaanni pisortaq nalunaarpoq.