Cairn nanuusaartunit iserterfigineqartoq

Isumannaallisaaneq pillugu pilersaarutit isertuunneri akerliuniarfigalugit, Greenpeace-meersut nanuusaarlutik atisalersorsimasut Cairn-ip qullersaqarfia iserterfigaat

Greenpeace-meersut 65-it nannutut atisalersorsimasut ataasinngornermi ullaakkut Edinburgh-imi Cairn-ip qullersaqarfia iserterfigaat.

Kalaallit Nunaanni uuliamik mingutsitsisoqassangaluarpat sillimaniarnerminnut atatillugu pilersaarutit tamaasa Skotmland-imiut uuliasiorfiutileqatigiiffiata saqqumiunniannginnerat akerliuniarfigalugu, taamatut isertertoqarpoq. Cairn-imiit innersuussutigineqarpoq, pilersaarutit tamarmik saqqummiunneqannginnissaannut Aatsitassaqarnermut qullersaqarfiup inatsissutaa. Taama inatsissuteqarnerminut qullersaqarfiup pissutiginerarpaa, pilersaarutip tamanut saqqummiunneqaraluaruni piffissanngorpat atorsinnaajunnaarsinnaanera. Inuit Kalaallit Nunaanni uuliasiornermut akerliusut, pilersaarummik atorsinnaajunnaartissinnaammassuk.

Aatsitassaqarnermut qullersaqarfimiit pilersaarutip tamarmi saqqummiukusunnagu aalajangiisinnaatitaanersoq, Greenpeace-p Ombudsmanden-imut suliassanbngortippaa. Ombudsmand-illi aalajangiinera tassa Greenpeace-p utaqqeqqaarusunngilaa. Ataasinngornermilu Cairn-ip qullersaqarfianut iserterlutik.

Greenpeace-p video-liaa uani tukuuk, tassani silap pissusaata allanngoriartorneranik akiuiniaqatigiit nanuusaarlutik Cairn-imut iserterput.

Powered by Labrador CMS