Taalliortoq qalipakkanillu assilialiortartoq

Arnajaaq Lynge Nuummi Katersugaasivinnik Katersugaasivimmi saqqummersitsinerani "Nattoralik Marloralik"-mi taalliat qalipakkallu akulerutsinneqarput: Qalipakkat ilaat taallianit isumassarsiaapput taalliallu ilaat qalipaganngortissimallutik.

Arnajaaq Lynge Nuummi Poesifestivalimi peqataavoq, kulturikkullu pisuni arlalinni soorlu Unnummi Kulturisiorfimmi aamma Oqaatsit Ulluanni taalliaminik tamanut ammasumik atuartarsimalluni. Taalliai arlallit atugassiani Kalaaleq aamma Neriusaaq saqqummersinneqartarput, 2008-milu naqiterisitsisarfiup Atuagkat taallianik katersai "Nattoralik Marloralik", Arnajaaq Lynge aamma nammineq assilialersugai, saqqummersippai.

Arnajaaq Lyngep taalliani ukiuni arlalinni avammut saqqummersittarai Nuummi Eqqumiitsulianik Katersugaasivimmi qalipakkanik saqqummersitsinera saqqummersitserngaarneruvoq. "Nattoralik Marloralik"-mi eqqumiitsuliat 20-iupput, amerlanerit akrylimik qalipagaapput, aammattaarli arlallit naqitaallutik.

Arnajaaq Lynge, 32-inik ukiulik, ilinniartitsisutut ilinniagaqarsimavoq ullumikkullu Ilisimatusarfimmi atuarluni. Saqqummersitsineq "Nattoralik Marloralik" juulip naanerata tungaanut takuniarneqarsinnaavoq.