Sapaatip akunnerata naanerani aalakkuttorpassuit
Nuummi Politiit sapaatip akunnerata naanerani inunnik aalakoortunik 26-inik nalunaarfigineqarput
Akissarsisoqarneranik inunnillu aalakoortunik aqqusernit malunnartoqarput, inuit ilaat silagissuup ataani artulersimasut, ilaat imminnut isumagisinnaajunnaarsimasut, Nuummi politiit paasissutissiipput.
Nuummi politiit inunnik aalakoortunik katillugit 26-inik nalunaarfigineqarput, tamakkualu pissutigalugit ambulancemik aggeqqusisoqartarpoq, imaluunniit politiit biilerlutik ikiuiartorlutik takkuttarlutik.
Politiit ambulancelerisunik isumaqatigiissuteqarsimapput "inunnut aalakoorlutik uppeqqasunut/sinittunut" orniguttarnissaannik, tassa imaassinnaammat imigassamik pissuteqanngitsumik arlaannik nappaateqarsinnaasut.
Inuit aalakoortut arfineq-pingasut politeeqarfiliaattariaqarsimapput isertitsivimmi sinitsikkiartorlugit, politiit paasissutissiipput.
Tamatuma saniatigut politiit makkununnga aggersarneqartarsimapput
Illumi perulluliornerit 11
Nakuusernermik nalunaarutiginninnerit 2
Pisiniarfimmi tillinniarnerit 3
Imerniartarfimmi perulluliorneq 1
Kiisalu aalakoorluni biilertoq 1.