Ujarassiorit 2011 – Aallartippoq

Ukioq manna aatsitassaqarfinnik ujaraqarfinnillu nutaanik nassaarniarneq aallartippoq.

Aningaasarsiassat katillutik 120.000 koruuniupput, ajugaasoq akileraarutit akilereerlugit 55.000 koruuninnatsinneqassalluni.

2010-mi misissugassat 686-it nassiunneqarput, taakkunannga 212-it misissorluagassatut ingerlateqqinneqarlutik.

2010-mi 55.000 koruuninnalluni ajugaavoq Eduard Chritiansen Upernavimmeersoq normu 2-nngorluni 25.000 koruuninnattoq tassaalluni Johannes Kristensen aamma Upernavimmeersoq. Normu 3-nngortut marluk tassaapput Hans Jørgen Løvstrøm Nuummeersoq kiisalu Bendt Josefsen Kapisilinneersoq.

Ujarassiorit allaffissornikkut aningaasatigullu Aatsitassaqarnermut Naalakkersuisoqsarfimmiit aqunneqarpoq.

Ajugaasut suliffeqarfinnit aningaasaateqarfinniillu ukunannga akissarsitinneqarput:

Aningaasaliinerpaat pingasut tassaapput Grønlandsbankip Inuussutissarsiutinut aningaasaateqarfia, Nuna Minerals kiisalu Quadra FNX Mining. Taakkua tamarmik immikkut 40.000 koruuninik akissarsiassanut aningaasaliissuteqarput.

Greenland Mining Services aamma Avannaa Resources immikkut tamarmik 10.000 koruunikkaanik (20.000 kr.) aningaasaliipput, Grontmij, Ram Resources, North Atlantic Mining Associates kiisalu Czech Geological Research Group tamarmik immikkut 10.000 koruuninik akissarsiassanut tapiipput.

Nittartakkami www.ujarassiorit.gl-imi ujarassiornermut paasissutissat qanorlu peqataasoqarsinnaaneranut tungasut atuarneqarsinnaapput. Tassanngaanniit aamma naqitat quppersakkallu ujarassiornermi iluaqutaasinnaasut download-erneqarsinnaapput. Assersuutigalugu ”Mineral-guide – Prospektering for amatører” ujarassiornermi iluaqutigineqarluarsinnaasoq aamma juulip qaammataani allakkerivinni akeqanngitsumik pineqarsinnaasoq download-erneqarsinnaavoq.

Nassiussinissamut atortussat immersugassartallit aamma allakkerivinni pineqarsinnaapput. Nassaarfimmik nalunaarsuiffissaq aamma nunap assinga taakkununga ilaavoq. Nassiussineq akeqanngilaq.

Ukioq manna ujarassiornermut peqataassaguit, nassaatit 2011-mi oktobarip aallaqqaataa tikitsinnagu Aatsitassanut Naalakkersuisoqarfimmut aputereersimasussaapput.

Nuannariinnarlugu ujarassiortartut Kalaallit Nunaanni najugalittut nalunaarsorneqarsimasut kisimik unammisitsinermi peqataasinnaapput. Kalaallit Nunaanniit taamaallaat misissugassanik nassiussisoqarsinnaavoq, nassaarfillu iluamik nalunaarsorsimagaanni aatsaat unammeqataasoqarsinnaalluni. Misissugassatut nassiussami ataatsimi ujarak assattut peqingasutut atsigisoq ataaseq nassiunneqartassaaq, qaarsumiillu katersarineqarsimassalluni. Misissugassatut nassiussat utertinneqarneq ajorput.

Ujarassiorit maanna ukiuni 22-i ingerlanneqareerpoq.

Sukumiinerusumik uani atuagaqarsinnaavutit HER