Ataataqarsinnaatitaaneq
Inatsiseqarnermut miniateeriaqarfimmi aalajangiisoqarnerata kinguneranik inatsisitigut ataataqanngitsut ataatamik kinaassusaanik paasissutinneqarsinnaangorput
Inatsisitigut ataataqartinneqanngitsut juunip aallaqqaataa 1963 sioqqullugu katissimanngitsunit meerartaarineqartut, 1974-imi juulip aallaqqaataani meeqqat Kalaallit Nunaanni inunngortut pillugit inatsisiliap pilersinneqanngikkallarnerani inunngorsimasut, maanna ataatamik kinnaanera paasisinnaanngorpaat taassumanngaanniillu kignornussaqarsinnaanngorlutik.
Meeqqat inatsisip atuutsinneqannginnerani inunngorsimasut inatsisip atuutsinneqalereernerani inunngorsimasutut pisinnaatitaaffeqarlutik ataataminnit kingornussaqarsinnaanersut sivisuumik Inatsiseqarermut ministereqarfiup suliarisimavaa. Meeqqat tamarmik naligiissitaanissaat eqqarsaatigilluarneqarsimavoq, taamatut naligiitsitsilernerup kinguneranik angummut ataatatut toqqarneqartumut taassumalu ilaqutaannut annertuumik sunniuteqartussaanera pissutigalugu.
– Taakkua eqqarsaatigilluareerlugit meeqqat ataatamik kinaanerannik ilisimatinneqartussaanerat kingornussaqarsinnaanerallu pingaarnerutinneqarsimavoq. Taamaammat maanna meeqqat inatsisitigut ataataqanngitsut ataatamik kinaaneranik ilisimatinneqarsinnaanngorlugit inatsisissamut siunnersuuteqartoqassaaq. Kalaallit Nunaanni ataataasutut toqqarneqarsinnaanermut taassumanngaanniillu ilaqutaaniillu kingornussaqarsinnaaneq pillugit inatsisit ullumikkut atuuttut naapertorlugit, meeqqat ataatatut toqqarneqartumiit taassumalu ilaqutaaniit kignornussaqarsinnaatitaapput, Intsiseqarnermut ministeri Lars Barfod Naalakkersuisut siulittaasuannut Kuupik Kleist-imut taamatut allappoq.
Ukiup naalernerani inatsisissatut siunnersuutissap piareersimanissaa, Lars Barfod-ip naatsorsuutigaa.