Inuit 65-it sinnerlugit ukiullit marluugaangata aappaa internetsimik atuisimasanngilaq

Danmarkimi utoqqaat affangajaat google-rneq, Facebook-erneq imaluunniit mail-imik nassiussineq misilinngisaannarnikuuaat.
Danmark-imi Naatsorsueqqissaartarfimmiit ksitsisit naapertorlugit, qallunaat 65-it 89-illu akornanni ukiullit inernetsimik atuinngisaannarnikuupput.

- Inuusuttut internetip atornissaa ilinniarfimminni ilinniartarpaat inersimasullu suliffimminni ilinniarsinnaasarlugu. ukiulli 25-it matuma siorna suliffeqarfinni internetseqartoqanngilaq, utoqqaat pillugit suliniaqatigiiffimmi, Ældre Sagen-imi siunnersorti, Claus Blendstrup oqarpoq.

Ukiunili kingullerni utoqqaat qarasaasialerisinaasut amerliartorput.

Siorna 65-it 89-illu akornanni ukiullit apersorneqarmata, 53 procentiisa inernetsi misilinnikuunnginerarpaat. Inuussutissarsiortut kattuffiata, Dansk erhverv-ip taamatut siuariarneq nuannaarutigaa.

- Internetsi utoqqaat ikinngutiminnut pulaarnissaminnut periarfissaqanngitsut akornanni nuannersunik misigisaqarfiusinnaavoq. Taamaalilluni internetsi ulluinnarni atugassatut nalinginnartut isigineqalersinnaavoq, utoqqaallu inuunerannik oqilisaaqataalluni, siunnersuisut pisortaat Christian Ohm oqarpoq.

Taanna isumaqarpoq, taamatut ineriartornerup Danmarkimi inuiaqatigiit sullinneqarneranni innuttaasut sullinneqarnerannut pisortatigullu sullinerisa eqaallisarnerannut digital-imik atortut aqqutissiuussisinnaasut.
Qallunaat amerlanersaasa ikinngutitik ilaquttatillu attaviginiarlugit, niuerniarlutik kiisalu paasissutissanik ujarlerlutik internetsi atortarniaraat, suli inoqarpoq digital-imik ineriartortitsinermi katataasoqarsimavoq.

Tamanna Ældre Sagen-imiit isumakulunnartinneqarpoq, naak tamanna utoqqaat akornutigerpasinngikkaluaraat.