Atoqqaarfissiortitsineq inuiattullu ullorsiorneq
Sjællandip avannaani Hundestedimi Knud Rasmussens Husip illu siammarsaavik nutaaq atoqqaarfissiussavaa
Knud Rasmussens Hus pisarnertut inuiattut ullorsiorneq nalliussippagu pisoq ukioq manna immikkut nuannersuussaaq. Tassami ulloq taanna katersugaasiviup Fyrgårdenip saniani illu siammarsaavik nutaaq atoqqaarfissiussavaa. Kiisalu Torvald Westergaardip Knud Rasmussen kiataanik inuusaliaata nutaamik inissisimaffia.
- Illu siammarsaavik pingaartumik atorneqartassaaq inuit amerlasuut ataatsikkut takkukkaangata. Takornariarpassuaqartareerpugut busserlutik takkuttartunik. Knud Rasmussenip inuunera pingaaruteqassusialu pillugit tikeraat illumi pitsaanerusumik oqaluttuussinnaavagut. Ilaatigut assinik filminillu. Knud Rasmussens Hus mikivallaaqimmat aaqqissuussinernut tamakkununnga inissaqanngilaq. Taamaattumik nuannersuuvoq illumik siammarsaavimmik pisaaratta, Halsnæs Kommunemi katersugaasiviup pisortaa Maria Bach oqarpoq.
Ullup ingerlanerani inuiattut ullorsiornermi pulaartut arlaleriarluni Knud Rasmussens Husimi akeqanngitsumik takornariartinneqartassapput, taannalu Kattegatimut isikkivigissumk inissisimavoq. Erfalasup amuneqarneani erinarsoqatigit Akuttat Koret erinarsussapput kalaallillu illinnartuutaannik tuniniaasoqassaaq. Aamma qitittoqassaq, nalunaaqutaq 18.30 Nuann nipilersortoralugit aallartittussamik.