Nive Nielsen Roskilde festivalimi peqataassaaq
Festivalilli aallartinnissaanut ullut marluinnanngorpata appisimaarumaarpoq
Roskildemi ukioq manna festivalernissamut progammi tallimanngormat saqqummersinneqarpoq. Ukioq manna Nive Nielsen and the Deer Children marlunngorpat ualikkut appisimaarpata kalaalersaajumaarput.
Nive Nielsen nipilersortartunilu appisimaalerpata Pavilion Junior-scene-mi piumaarpoq. Tassalu marlunngorneq juunip 28-ani nal. 14.30 - tassa festivalip aallartinnissaanut ullut marluinnanngortullu - appisimaassallutik. Taamaammat ukioq manna Roskilde Festivalimi appisimaartussat kalaalersatuassaat tusarnaarniarukkit takkutiaartariaqassaatit.
Tusaamasarsuit ukioq manna Roskilde Festivaleqarnerani appisimaartussat tassaapput Iron Maiden kiisalu PJ Harvey, juunip 30-ani. Portishead tallimanngornermi appikkumaarput Arctic Monkeys arfininngornermi appisimaarumaarlutik Kings of Leon-ikkullu sapaammi naggasiissallutik.