Saliineq
Inissianik attartortut ineqarfigisaasa eqqaat salileruttorpaat
INI'p inissiaataanik attartortunik saliititsinersuaq Saliineq 2011 ullaap tungaa nal. 10.00 aallartiinnaqaaq. Sinerissamilu illoqarfiit assigiinngitsut arfineq marluk peqataaffigissaanik saliineq aallartippoq, ukulu illoqarfiit peqataapput: Narsaq, Nanortalik, Qaqortoq, Nuuk, Maniitsoq, Sisimiut aamma Aasiaat.
Saliineq 2011-mut peqataasut assigiinngitsunik pinnatassaqarput, ilaatigut inigisamut qaammammut akiliummik imaluunniit fladskærmimik pinnatassaqarluni.
Nuummi saliineq peqataaffigineqarluarpoq, saliisullu arlaqartut maanna takuneqarsinnaalereerluni.
Anaanaq erninilu Saliineq 2011-mi aamma peqataapput. Signe Jeremiassen aamma Anda Larsen H.J. Rinksvejimi Nuummiittumi najugaqarput, peqataajumanertillumi peqqutissaqarluarpoq:
- Eqqatsinni eqqakkat sumi tamaaniittut amerlanermik, eqqarput kusatsinniassammat peqataavugut, Signe Jeremiassen ernini Anda Larsen saleeqataasoq taamatut oqarpoq.
Ualeru Nuummi Narsarsuup fiistertarfiani aaqqissuussamik saleeqataasut siaasakkanik neriartorsinnaajumaarput.