Cairn millionerpassuarnik taarsiivigeqquvoq
Greenpeacekkormiut Cairn Energyp qillerivianik unitsitsisimanerat pillarniarlugu Cairn Energymiut ullut qilleriviginngitsoorfigisimasatik ullormut 2 million euronik naleqarnerarlugit taarsiivigitinnissartik piumasarisimavaat. Ualeru eqqartuussivimmi pineqaatissiisoqarumaarpoq
Cairn Energyp inatsisilerituuisa Greenpeacep aningaasaqarniarnerat toqqaannartumik eqqoriarnialerpaat, tassami Cairn-ermiut Amsterdamip eqqartuussiviatigoorlutik Greenpeacemiit taarsiivigeneqarnissartik piumasarisimammassuk.
Piumasaqaataallu malillugu Greenpeacermiut Nuup avataani qillerinermik unittitseqqissappata taakkunannga ullormut 15 million koruuninik akeqartassaaq.
Avatagiisinik illersuiniaqatigiiffiup uuliasiorfimmi sulisut inuunerinik ulorianartorsiortitsisimasutut uuliasiorfiutileqatigiit inatsisilerituuisa pisuutissimagaat, aviisi Politiken allapoq. Avatagiisinik illersuiniaqatigiiffimmiut uuliasiorfimmut qallormata ilai ikittaatinik nassataqarsimaneri taamatut pisuutitsinermut tunuliaqutaavoq.
Ikittaatit avataani qillerivinni inerteqqutaalluinnarput, taama Politiken allappoq.
Pineqaatissiineq nunatta nalunaaqutaa malillugu ualeru ingerlanneqassaaq.