Smokie-kkut Nunarput asannilerfigisimavaat

Tuluit qangali tusaamasat sapaatit akunnerata naanerani Qeqertarsuup tunuaniissimapput.

Smokie gæstede Grønland i weekenden. Foto: Jakob Bech Andersen

"Nunarsuaq tamavimmi angallavigereeraluarparput, kalaallilli arnartaat tamanik kusanarnerpaapput"

Naak Smokiekkunni nipilersortartut inuusugunnaareeraluartut suli inoqatiminnik samminnillaqqissuupput, nujarillutik, tusaamasaassutigisartillu Living next door to Alice ila qassissaa appikkaangamikku suli torrallaavissortarlutik.

Sapaatit akunnerata naanerani Ilulissani Aasiannilu Smokiekkut tusarnaartitsimmata tusarnaariat Smokiekkullu nuannisavissorsimapput.

- Arlaleriarluta Kalaallit nunaaniittareerpugut, tamatigorluinnarlu nuannersumik misisaqarfigisarlutikku. Tusarnaariat Smokie-kkunik tusarnaarallaqqissuupput nuannisallaqqissuullutillu, taama Mike Craft, nipilersortartut siuttuat Aasianni tusarnaartitsinngilaattaani Sermitsiamut oqalutuarpoq.

Ukiut ingerlanerini Smokie-kkut nunarsuaq tamakkerlugu angalasareerput, Mike Craft-illi oqarnera malillugu Kalaallit Nunaat immikkuullarissuteqartuaannartuuvoq:

- Afrika kujalleq, Mongolia, Australia, Kina, ila nunat allarpassuit tikittareerpavut, Kalaallilli Nunaat kisiartaalluni arfernik ilulissanillu takusaqarfigisinnaasatuaraarput. Taamaammat tikissallugu piuminarnerpaajunngikaluartoq - Danmarkikkooqqaartariaqarmammi - Kalaallit Nunaannut nipilersoriaqquneqaraangatta ingerlaannaq akuersaartarpugut, Mike Craft taama unnersiorpoq.

Nunatsinni silap pissusaa rockillammaat quilertaginngilaat.

Uagummi Tuluit Nunaaneersuuvugut, taamaammat imaliliorneq anorilu sapinngilarput.

Smokiekkullumi nunatsinnukaqqinnissaat ilimanaateqarluartugavoq.

- Ingerlaannarsinnaanersugut inuit apeqqutigiuaannarpaat, tamannali uagut eqqarsaatiginngisaannarlutigu. Tassami nunarsuaq tamakkerlugu angalaannarusuppugut, nuusiuinnarusulluta nuannarinnitsivullu tusarnaartittuaannarusullutigit.

Smokiekkut tullissaani Østrigimi tusarnaartitsissapput.

Powered by Labrador CMS