Nuummi Lottomi eqquisoqartoq
Kamik Vinbodenimi Lottosiaq iluanaarutaavissorsimavoq
Annonse
Ukioq manna aappassaanik Nuummi Lottomik milliuuninnattoqarpoq. Eqquisorlu tamatumuuna 10 milioninnassimavoq.
Arfininngormat Lottomik kisitsisit makinneqarmata ataasiinnaq eqquivoq, taassumalu 10 million koruunersuit kisermaassimavai.
Danske Spil eqquisumit suli attavigineqarsimanngilaq, kisitsisilli eqquissutaasut Kamik Vinboden-imi pisiarineqarsimapput, eqquisorlumi R-systemerluni kisitsisit 16-nit eqqoriarsimavai taamaalillunilu rækkenik 109-nut eqquiniaqataasimalluni.
Ukioq manna aappassaa Nuummi Lottomi eqquisoqarpoq, siullermimmi sap.ak. 9-aani Nuummi Pisiffimmi Lottosiarineqartoq 6.103.777 koruuninik eqquisimammat.