Borgmesteriuneq kalaallisut erinarsorfigineqartoq
Københavnip borgmesteriunera Frank Jensen 50-iliimmat Erinarsoqatigiit Aavaat Rådhusimi appisimaarmata kalaallisut erinarsorfigivaat
Københavnimi borgmesteriuneq socialdemokratiusoq Frank Jensen 50-iliinera ualimut nalliuttorsiutigineqarmat Kalaallit nunaaneersunik erinarsorfigineqarpoq.
Frank Jensen ukiorpanngulersuni Kalaallit nunaat sammisimavaa. Minnerunngitsumik Namminersulernissamik Ataatsimiitaliarsuarmi ilaasortaanini aqqutigalugu, Ritt Bjerregaardilu borgmesteriunertut taarsermagu aamma kommune aqqutigalugu kalaallinut attaveqartarsimavoq.
Akunnaattuliisoqarneranut atatillugu Kommuneqarfik Sermersuup borgmesteria Asii Chemnitz Narup Frank Jensenip tupaallassutigisaanik tunissuteqarpoq: Tassa Københavnip Rådhusianut qaaqqusat isaaleruttortut Aavaat kalaallisut erinarsomata. Ukiualunnguit matuma siorna Frank Jensen Socialdemokratit siulersortaattut qinigaangajaannarluni Helle Thorning Schmidtimut ajorsarmat.
Billedtekst:
Erinarsoqatigiit Aavaat inuuissiortoq Frank Jensen kalaallisut erinarsorfigivaat. Aaku eriniarsoqatigiit siusinnerusukkut pisumi assilineqarnerat.