Atassut: Avannaani raajarniarneq ammarneqarli
Upernaviup eqqaani raajarpassuaqarnera aalisartut misigisalersimavaat. Tamaani raajarniarneq ammaanneqarli, taama kaammattuisoqarpoq.
Annonse
Upernaviup avataani kujataatungaanilu raajarpassuaqarnerata tamaani raajanissimanik takussutissaavoq.
Taama aalisartut inerniliipput, taamaammat Atassutip sumiiffimmi kilisaatit raajarniutit aalisalersinnaanissaat paragraf 37 malillugu naalakkersuisunut apeqqutigaat.
Tamaani saarullinniartoqartillugu saarulliit aqajaruini raajarujussuarnik nassaartoqartalersimanera apeqqummut tunuliaqutaavoq:
- Upernaviup kujataatungaani avataanilu kilisaatinik raajarniarfigissallugu killeqarfia sumiippa? Tamaani ukiut qulit ingerlanerani raajat qanoq annertutigisut kilisaatinit pisarineqartarsimappat? Upernaviup avataani kujataatungaanilu raajarniartoqarsinnaava? taama Atassut aalisartut sinnerlugit apeqquteqaateqarpoq.