Arfivik filmiliarineqalerpoq
Filmiliortartoq Adam Schmedes arfiviit pillugit filmiliornialerpoq
Filmilianik ilitsersuisartup Adam Schmedesip filmiliaa "Kamæleonernes strand" ulluni makkunani takutinneqaqattaaleruttortoq arfivik pillugu paasissutissanik katersuilersimavoq.
Imalu Politiken allaaserisaqarpoq:
- Issittup imartaasa uumasorsuanik filmiliaq pissanganarsaarlugu suliarineqassaaq, tassani Adam Schmedesip isiginnaartartoq peqatigalugu oqaluttuarisaaneq, kultori, pinngortitallu oqaluttuarisaanera aqqusaarlugit ingerlaartoqassaaq. Arfivik franskit mumisitsinerata nalaani inuusuttuaraasoq malinnaavigineqarluni aallartippat ullutsinni sikuerukkiartorneq pissutaalluni avannamut kimmut Alaskaliarnera, tassanilu arfiveqatini oqaluttuarisaanermi siullerpaamik naapikkai malinnaavigineqassallunittaaq.
Ukiut pingasut atorlugit Adam Schmedesip filmiliassaminut aningaasassat katersorujoorsimavai. "Issittup uumasorujussua"-nillu immiussinerit martsimili Qeqertarsuup tunuani aallartipput.