Arsakut nunatsinnut ajoqutaajuarsinnarput
Kangerlussuup avannaatungaani silaannaq nal. 10.00 tungaanut matoqqagallarpoq
Nunatsinni timmisartuussineq suli tamakkiilinngilaq. Arsakorsuimmi kitaani timmisartuussinermut ullaap tungaani suli ajornartorsiortitsimmata.
Nunatta silaannaata ilaani sumiiffinni annikitsuni 6 kilometerinik pukkinnerusuniitttut suli timmisartorfioqqusaanngikkallarput. Tassa Naviairip nalunaarutaa malillugu Kulusuup avannaatungaaniit Nerlerit Inaata tungaanut timmisartorfioqqusaanngilaq. Kitaanilu Aasianniit Ilulissat aqqusaarlugit Qaarsut tungaanut aamma timmisartorfioqqusaanngikkallarpoq. Timmisartoqqusinnginneq nal. 10.00 tungaanut atuuppoq.
Tassa Air Greenlandip Qeqertarsuup tunuanut avannamullu timmisartuussinissaralui unitsiinnarneqartariaqalersimapput.
Air Greenlandillu timmisartuutai Dash 7-it marluk Ilulissaniimmata Kangerlussuarmiit avannamut timmisartuussinissaraluit kisimik akornusersorneqassanngillat, timmisartummi taakku marluk Sisimiunut Nuummullu aqqusaartussaagaluarmata.
- Taamaammat ilaasussagut tekst-tv aamma airgreenland.gl atorlugit sukumiinerusumik paasiniaanissaat kaammattuutigaarput, taama Jesper Kunuk Egede Air Greenlandimeersoq nalunaaruteqarpoq.