Nunatta silaannaani sumiiffiit marluk matuneqarput
Sumiiffiit pineqartut tassaapput tunumi silaannaap ilamernga, qeqertarsuullu tunuani silaannaap ilamernga, taakku kitaata nalunaaqutaa malillugu unnukkut matuneqarput
Innermik anitsisartup arsakuinik silasiortut ilimasaarutaat kingulleq malillugu nunatsinnut atuuttussamik ilimasaarusiorsimavugut, taama Naviair paasissutissiivoq.
Sumiiffiit annikitsut marluk nunatta silaannartaaniittut timmisartorfioqqusaajunnaarnerat nal. 18.00 UTC (24. maj)-miit nal. 00.00 UTC (25. maj) tungaanut atuutissaaq.
Tunumi: Timmisartorfioqqusaajunnaartussaq Kulusummiit Constable Pyntip tungaanut isorartutigissaaq, tassa kimmut tamarmi avannamut Constable Pyntip tungaanut.
Kitaani: Sumiiffik kangimukaartoq FIR-grænsemik taagorneqartumi tassa Qaarsut, Ilulissat, Aasiaat tungaanut kiisalu FIR-grænsimik taagorneqartup kimmut killeqarfiata tungaanut.
Nunatta qeqqinnaani, tassa tunumiit kitaanut annikitsuinnarmik arsakoqarnera takuneqarsinnaavoq, immikkullu maleruagassat malikkaanni timmiffiusinnaassalluni. Taamaattoqarnera 18.00 (24. maj)-imiit nal. 00.00 UTC (25. maj) tungaanut atuutissaaq, taama Naviair paasissutissiivoq.
Kitaata nalunaaqutaa tassaavoq UTC minus 2, danskillu nalunaaqutaat tassaalluni UTC minus 2.