Kalaallit iluarinninnginnerat nalunngilarput

Tamanna nuanninngilaq, inuilli nalinginnaasumik inussiarnersuupput ilakkuminartuullutillu, Greenpeacemeersoq Jon Burgwald oqarpoq

sapaatit akunnerisa matuma siuliani Aasianniippoq Cairn Energyp uuliamik qillerineri pillugit innuttaasunik ataatsimiititsiartorluni. Greenpeacemeersup Jon Burgwaldip neriuutigaa Kalaallit Nunaata nunatut uuliamik tunisassiortunngornissaminik pilersaarutaanik allanngortitseqataasinnaassallutik. Ass.: Greenpeace Greenpeace

Greenpeacep Kalaallit Nunaat sammeqqilerpaa nunatta kitaani uuliamik qillerinerit pissutigalugit. Kalaalerpassuilli Greenpeace iluarinngilaat. Taamaakkaluartorli Greenpeace Nunatsinnukartarnini unitsinnianngilaa.

- Kalaallit innuttaasut nalinginnaasumik nuannarinngilaatigut, neriuppungali tunngavilersuutivut tusaaniassagaat, Jon Burgwald nassuiaavoq.

AG normu 21-mi Greenpeacep nunatsinnukartuartarnissaminut nassuiaataa avatangiisinillu suliniaqatigiiffiup 1980-ikkunni puisit pillugit suliniutaasimasoq pillugu isumaa atuarsinnaavat. Aviisi elektroniskiusoq maani pisiarisinnaavat.

Powered by Labrador CMS