Timmisartut Island-imiit Nunatsinnukartussat uniinnarput
Timmisartumik Reykjavik-imiit ullumi nunatsinnukartussaangaluit Air Iceland-ip unitsiinnarpai
Annonse
Islandip silaannartaa timmisartorfigineqarsinnaagaluartoq nunallu iluani timmisartuussineq nalinginnartut ingerlagaluartoq, Air Iceland-ip Nunatsinnukaassinissani unitsippaa.
Reykjavik-imiit Nuummut, Kulusummut Ilulissanullu ullumi timmisartuussinissaagaluit taamaatiinnarneqartut, Air Iceland-imi tuniniaanermut pisortaq, Ingi Thor Gudmundsson oqarpoq.
- Silaannaap arsakoqarnera pissutigalugu timmisartut Island-imiit Nunatsinnukartussat aqagu nalilersorneqassasut taanna nalunaarpoq.
Angalaniartut Air Iceland-ip nittartagaani aallartussatut tikittussatullu nalunaarsorneqartunik alapernaaqquneqarput, nittartagaq una aqqutigalugu: www.airiceland.dk/AirIceland/Information/Ankomsterafgange/
Nutserisoq Ulf Fleischer