Air Icelandip suna tamarmi unitsippaa
Air Icelandip nunatsinnut utimullu ullumi timmisartuussinissaralui tamarmik unitsiinnarneqarput
Grimsvötnimi innermik anitsisartoq arfininngormat ualigaa anitsilernera pissutaalluni ullumi Islandimut utimullu timmisartuussinissaralui unitsiinnartariaqarsimapput. Aqqutillu eqqorneqartut tassaapput: Reykjavikimiit Kulusummut, Ilulissanut Nuummullu aqqutit. Tamanna Air Icelandip ullumi tusagassiutinut saqqummiussaani atuarneqarsinnaavoq.
Marlunngornermi timmisartuussisoqarsinnaanersoq Air Icelandip maanna misissuleruttorpaa, qanorli arsakoqartigissanersoq apeqqutaavoq.
Qanoq sivisutigisumik innermik anitsisartoq anitsissanersoq massakkorpiaq nalileruminaappoq.
Grimsvötnimi innermik anitsinermut tunngasunik paasisaqarnerorusukkuit www.iceland.is iserfigalugu sukumiinerusumik paasisaqarsinnaavutit.
Air Icelandip timmisartuussinissaanut tunngasunik paasisaqarnerorusukkuit uunga isersinnaavutit: www.airiceland.is/help-and-support/arrivals-and-departures
Paasissutissat allat uani takusinnaavatit: websales@airiceland.is
Aamma: Tlf: +354 570 3000