Timmisartoq Danmarkiliartartoq unitsiinnarneqapoq
Air Greenlandip Københavnip Kangerlussuullu akornanni marlunngornermi timmisartuussinissaralua teknikkikkut ajornartorsiuteqarneq peqqutaalluni unitsiinnarneqarpoq
Ullumi marlunngornermi Air Greenlandip timmisartorsuata "Norsap" Københavnip Kangerlussuullu akornanni timmisartuussinissaralua unitsiinnarneqarpoq. Tamatumunnga timmisartup motoriata aappaata teknikkikkut ajoquteqalaarsimanera peqqutaavoq aatsallu atortuisa ilaat taarseqqaariarpat timmisartoq ingerlaqqilersinnaasoq Air Greenlandip nalunaarutigaa.
Aqagu pingasunngornermi Thule Air Base-mut pilersaarutit malillugit Norsaq timmisartuussissaaq, taamaammat ullumi timmisartuussinissaraluamik taarsiullugu Air Greenlandi timmisartumik aqagu attartortariaqassaaq, ilaasut 250-it missaaniittut siumut utimullu ilaasussat kiisalu allakkat 12,5 tonsit apuunneqarsinnaaniassammata.
Taamaammat aallarfissat allanngorneri ullumi kingusinnerpaamik nal. 16.00 tusarliunneqarumaarput.