Toqutsinikoq qimaasoq
Angut toqutsinikoq 19-nik ukiulik, Risskov-imi tarnikkut nappaatilinnut immikkoortortaqarfimmiit ataasinngormat unnukkut qimaavoq. Saaffiginnittoqaqimmalli piaartumik tigusarineqaqqippoq.
Angut toqutsisimasoq 19-nik ukiulik, Aarhus-imi Risskov-imi tarnikkut nappaatilinnut immikkoortortaqarfimmiit ataasinngormat qimaavoq.
19-inilli ukiulik tarnikkut nappaatilik, politiinit arlaqartunit nassaarineqarami, akunnerit marlussuinnaat qimaaqqavoq.
Angut ulorianartutut nalilerneqartoq, Kalaallit Nunaanni toqutsisimanini pillugu katsorsaavimmi inissinneqarsimavoq. Taamaammat angutip qanoq isikkoqarneranik nalunaarummik politiit tusagassiuutitigut nalunaaruteqarmata tigusareqqinneqapallappoq.
- Inuit qimaasoq pillugu atuarsimasut siarngumata, illoqarfiup tungaanut ingerlasimasoq paasivarput, Jyllandip kangisinnerusortaani politeeqarfimmi pigaartunut siuttuusoq, Jesper Drejer saaffiginnittut qutsavigiutigalugit oqarpoq.
19-inik ukiulik akunnerit marlussuit qimaaqqareerluni Aarhus-imi Mølleparken-imut anguttoq, politiit arlaqartut eqqissisimasumik tigusaraat.
Pigaartut siuttuata ilisimanngilaa, 19-inik ukiulik qanoq ililluni qimaasimanersoq.
- Risskov-imili nakorsat oqaatigaat, angut imminut inoqatiminullu ulorianartoq, Jylland-ip kangisinnerusortaani politeeqarfimmi pigaartut siuttuat, Jesper Drejer oqarpoq.