Sanaartorneq akisunerulerpoq

Ukiup ataatsip ingerlanerani sanaartornermi aningaasartuutit 1,5 procentimik qaffassimapput

Piffissami januaarip aallaqqaataanit 2010 januaarip aallaqqaataanut 2011 sanaartornermi aningaasartuutit tamarmiusut 1,5 procentimik qaffassimapput. Tamanna takuneqarsinnaavoq Kalaallit Nunaanni Naatsorsueqqissaartarfiup kisitsisinik saqqummiussaani kingullerni.

Assartukkanut aningaasartuutit qaffariarnersaasimapput 2,8 procentimik qaffariarlutik. Atortussanut aningaasartuutit 1,5 procentimik qaffariarput, sulinermilu akissarsiat 1,3 procentimik qaffariarsimallutik.

- Piffissami januaarip aallaqqaataanit 2010 januaarip aallaqqaataanut 2011 sanaartornermi aningaasartuutit indeksiat katillugu 0,5 procentimik qaffariarsimavoq. Taamatut annikitsumik qaffariarsimaneranut pissutaanerpaajvoq sulinermi akissarsianut aningaasartuutit annikitsumik 0,1 procentimik qaffariarsimanerat. Assartukkat 1,8 procentimik appariarsimapput, tamatumunngalu pissutaavoq RAL-ip uuliamut aningaasallu nalinginut iluarsiissutai. Atortussat 1,2 procentimik qaffariarsimapput.

- Sanaartornermi aningaasartuutit ineriartornerisa Danmarkimi sanaartornermut aningaasartuutit malipajaarpaat, pingaartumik pissutigalugu atortussat tamangajammik Danmarkimit eqqussorneqartarnerat, Kalaallit Nunaanni Naatsorsueqqissaartarfik allappoq.

Powered by Labrador CMS