Asanninneq, politikimi ajorsaarinerit uulialu pillugit atuagaq nutaaq
Atuakkamik saqqummersitsineq Milik Publishing-ip Godthåb Bryghusimi, atuakkiami kapitalit qitiusumik inissisimasut marluk pisuutinneqarfianni, malunnartissavaa
Issittumi asanninneq uuliasiornerlu pillugit Hans Jakob Helmsip atuakkiaa nutaaq arfininngorpat saqqummiunneqassaaq.
"Arsarnerit uinngiarsorfigigukkit" pissangalluni utaqqineqarpoq.
Soorlu Christian Schultz-Lorentzen AG-mi allattoq "atuagaq immikkut pissangalluni utaqqineqarmat tamatumunnga pissutaavoq Helmsip atuakkiaa kingulleq "Dansen i Geneve" naliliisartunit oqaatsit qaqutigoortut atorlugit nersualaarmassuk. Tamanna soorunami pisussaatitsivoq".
Atuakkami oqaluttuarineqarpoq tusagassiortoq inuusuttoq Bjørn, Tunumi pissaaneqarniunnermi uuliamillu millioninik akulerutsinneqartoq. Alaskameersoq Amaroq ikinngutigillualerpaa, taassumalu nunarsuarmut pikkunavissumik angallappaa.
AG-mi sapaatip akunnerani saqqummersumi immikkut ilanngunneqarput "atuakkiap kapitaliisa pisoqarfiulluartut eqiternerat, ingerlaavartumik pisoqarpasissumik oqaluttuarinerat Raymond Chandlerip aqqutissiuussisumik pinerluttulersaarusiaanut eqqaanartumik", soorlu Christian Schultz-Lorentzen aviisimi allattoq.
Atuakkiaq qallunaatut kalaallisullu saqqummissaaq. Kingulleq Hans Anthon Lyngemit nutserneqarsimavoq Julie Edel Hardenbergillu atuakkiap saqqaa titartarsimavaa.