Qaqortoq

Niviarsiaraq kurebrætterluni ajunaartoq

Niviarsiaqqat marluk, ippassaq ataasinngornermi, Qaqortumi ualisoq ajutooqataapput. Suliaq suli paasiniaaffigineqarmat politiit annertunerusumik paasissutissiisinnaannigllat.

Qaqortumi niviarsiaqqat marluk kurebrættertut, ippassaq ataasinngornermi, biilimit aportipput. Politiit ippassaq KNR-imut paasissutissiaraat niviarsiaqqap aappaa ajunaarsimasoq aappaalu perululluni.

Kujataani politiit Sermitsiaq.AG-mut paasissutissiaraat suliaq suli paasiniaaffigineqartoq

- Paasiniaaneq suli ingerlavoq, maannakkulli oqaatigineqareersimasuniit annertunerusumik paasissutissiisinnaanngilanga, Kujataani immikkoortoqarfimmi aqutsisuugallartoq, Laila Fleischer oqarpoq.

Taamaammaat niviarsiaqqap aappaa ajutooqataasoq qanoq innera paasissutissiarisinnaanngilaa.

Politiit paasissutissiaraat, ilaqutaasut qanigisaasulli ajutoorneq pillugu kalerrinneqarsimasut.

Powered by Labrador CMS