Wednesday, October 25, 2017 - 06:58

Niviarsiaraq angutissaata pinngitsaalillugu atoqatigisimagaa

Assi.: Leiff Josefsen
Angutip 60-inik ukiullip taamanikkut arnaatimi pania 13-inik ukioqartoq kinguaassiutaasigut atornerlussimavaa. Qanittukkut angut taanna piumasaqaatitalimmik eqqartuunneqarpoq, pinerlineqarsimasummi maannakkut 20-nik ukioqartup isumakkeerfigisimammagu

Kalaallit Nunaata Eqqartuussiviani suliassamik meeqqamik pinngitsaaliilluni atoqateqarnermut kannguttaatsuliornermullu tunngasumik suliaqarnermi angut 60-inik ukiulik ukiuni marlunni nakkutigalugu misiligaaffimmi nalaani tassunga assingusumik pinerluuteqaqqikkuni qaammatini qulini Pineqaatissinneqarsimasunut Inissiisarfimmiittussanngorlugu eqqartuunneqarpoq.

AG taama allaaserisaqarpoq.

Kalaallit Nunaata Eqqartuussiviani Qaasuitsup Eqqartuussiviani Kangaatsiami eqqartuussut atuuttussanngortinneqarpoq, eqqartuussutilli piumasaqaatitalerlugu allanngortillugu. Tamatuma saniatigut pinerlisimasaminut maannakkut 20-nik ukioqartumut 60.000 koruuninik akiliissaaq.

Pinerlineqarsimasup angutissaa pinngitsaaliilluni atoqateqarnermut pinngitsuunerarpoq aammalu imminut inertinnermini niviarsiaqqap qarlii singillugit attuuasimagamiuk kannguttaatsuliornermut imminut pisuutippoq.

Naak Qaasuitsup Eqqartuussiviani aamma Kalaallit Nunaata Eqqartuussiviani taamanikkut niviarsiaqqamik 13-iinnarnik ukioqartumik atoqateqarnissaminut nukittuneruni atorsimagaluaraa eqqartuussut Kalaallit Nunaata Eqqartuussiviani piumasaqaatitaqartunngorlugu allanngortinneqarpoq. Ilaatigut eqqartuussisunut angut isumakkeerfigisimagini nassuiaatigimmagu, ilaatigullu suliassaq ukiorpaalussuarnik pisoqaassuseqarmat.

Suliaq pillugu AG-mi paasisaqarnerugit:

Seneste nyheder / Nutaarsiassat kingulliit