ujaasineq
Niviarsiaqqat marluk Nuup eqqaani ujaaraat
Nuummi politiit niviarsiaqqat marluk 13-nik 15-inillu ukiullit ujaaraat
Politiit, qatserisartut meeqqallu angerlarsimaffiat niviarsiaqqat attuumassuteqarfigisaat IMP (Inuuneq Meeraq Pinngortitarlu) niviarsiaqqanik ujaarisaqarput, tassaasut 13-nik ukiulik Pivioq Amalie Kajussen aamma 15-nik ukiulik Elisa Egede. Taakku Nuup kangerluani aalisariarnermi Innajuattup eqqaaniit marlunngornermi ualikkut qimaasimapput.
Meeqqat angerlarsimaffianni sulisut, qatserisartut politiilllu ujaasigaluarnerat kinguneqanngimmat Nuummi politiit paaserusuppaat inuit niviarsiaqqanik ippassaq ualinerata kingorna takunnissimasinnaanersut. Ilaatigut paaserusunneqarpoq niviarsiaqqat taakku arlaannit umiatsiamik ikineqarsimasinnaanerat Nuummut, Kapisilinnut arlaannulluunniit ingerlallugit.
Niviarsiaqqat tungujortumik aappaluttumillu kavaajaqarlutik nunamut niullatsiarnermi qimaasimapput.
Nuummi politiit oqarasuaataat normoqarpoq 701448.