assammik arsarneq

Niviarsiaqqat håndboldertartut piukkunnaatillit Islandimut angalasut

Nunatsinni Assammik Arsartartut Kattuffiata nukappiaqqat piukkunnartut toqqarsimasaat ilikkagaqarnartumik angalaqqammerput. Maanna niviarsiaqqat angalanissaannut piffissanngorpoq

Piukkunaatillit Faxe Kondi Cupimi unammeqataaqqammersut, maanna Islandimiipput

Nukappiaqqat immikkut toqqakkat Islandimut angalaqqammerput, sisamariarlu unammillutik.

Maanna niviarsiaqqat angalassapput. Taakku ippassaq ataasinngornermi aallarput, sapaatip-akunneralu innermik anitsisartup nunataaniissapput.

Assit: Siunissami håndboldillammassat Islandimi

Suleqatigiinneq pitsaasoq
Sungiusarneq aamma unamminertaqartoq sapaatip-akunneranik sivisussilik pissaaq. Sungiusarnerit arfiniliusut pilersaarutaapput, sungiusaataasumik unammineq ataaseq aamma nunat akornanni Islandip U16-itaannut unamminerit marluk, assammik arsartartut kattuffiat ilisimatitsivoq.

- Islandermiut assammik arsarnermut kattuffiat HSI sungiusarfissanik pissarsinissamik ikiuulluarput. Saniatigullu sungiusaasut akornanni suleqatiginnilluarlutik. Taassumalu saniatigut ataatsimooqatigiinneq aamma teambuilding programimut ilanngunneqarpoq, kattuffik tusagassiorfinnut nalunaarummi allappoq.

Inuusuttuaqqat ukiukkut ilutiminnik naapitsinissaat unamminissaallu pissanganassaaq.

Powered by Labrador CMS