Niviarsiaqqat ajunngitsut nassaarineqarput

13-nik ukiulik Pivioq Amalie Kajussen aamma 15-nik ukiulik Elisa Egede ajunngitsut nassaarineqarput.

Nuummi politiit tusagassiutinut nalunaarummini ilaatigut ima allapput:

- Niviarsiaqqat ajunngitsut nassaarineqarsimasut Issittumi Sakkutooqarfik nalunaaquttap 10.35-ip missaani nalunaarput. Innajuattumi nassaarineqarsimasut nalunaarutigineqarpoq.

- Niviarsiaqqat Nuuliaanneqassapput, tassani peqqissusaat misissorneqassalluni, sooq aamma taama pisoqarsimanersoq misissorneqassalluni, Nunatsinni politimestereqarfimmi unnerluussisuuneq Lars Kirkegaard allappoq.

Niviarsiaqqat Nuup kangerluata ilorpiangajaani aalisariarnermi Innajuattup eqqaaniit marlunngornermat ualikkut qimaapput.

Nassaarineqarnissaat anguniarlugu niviarsiaqqat attuumassuteqarfigisaat meeqqat angerlarsimaffiat IMP (Inuuneq Meeraq Pinngortitarlu) politiit isumaqatigiissuteqarfigaat niviarsiaqqallu assingi saqqummiunneqarlutik.