Niviak, Natuk, Martin aamma Klaus kuultinnapput

Rulleski-nik rulleskøjtinillu Nunatsinni pissartanngorniunnermi Nuummi ingerlanneqartumi ulloq kingulleq sapaat kiaqisoq angutit arnallu sukkasuumik ingerlapput.
Nunatsinni rulleski-nik rulleskøjtinillu Nunatsinni pissartanngorniunnermi ullormi kingullermi isorartuumut unammisoqarpoq, NUP-p klubhusiata eqqaanit Pinngortitaleriffik aqqusaarlugu Qinngutsinnut NUP-llu klubhusianut uterlugu.
Angutit inersimasut rulleski-nik rulleskøjtinillu taanna tallimariarpaat, arnat inersimasut - oldboysit/girls-illu rulleski-nik rulleskøjtinillu taanna pingasoriartaraat.
Angutini ajugaavoq Martin Møller NSP-meersoq, klubbeqatini Øystein Slettemark unammilluarlugu.
Arnani ajugaavoq NUP-meersoq Niviaq Chemnitz Berthelsen, tullersortigalugu Uiloq Slettemark, normu 3-ngorporlu Nadia Olsen, SSP-meersoq.
Rulleskøjtini ajugaavoq Natuk Lund Olsen, NS, angutinilu kuultinnappoq Klaus Egede, Sivert Hansen, NUP-meersoq, normu 2-ngortoq.
Aaqqissuussilluarneq naggataarlugu peqataasut grilleritinneqarput, tamatumani medalje-t kiisalu vandrepokalit tunniussuunneqarlutik.
Rulleski-mi NSP-p vandrepokali pivaa, ukiuni pingasuni tigummissallugu. Rulleskøjtimi vandrepokali NUP-p NSP-llu avippaat pointeqatigiikkamik.
Unamminermi oqaluttuuvoq Hjalmar Berglund, taannalu timersornermik sammisaqaqqilluni aliannaarpoq.