meeqqat atuarfiat

Nivi Olsenip angusinngitsoortorpassuit quarsaarutigai

Meeqqat atuarfianni soraarummeertut oqaatsinik ajornakusoortitsisorujussuupput. Kommunit ilaanni danskit tuluillu oqaasiinik soraarummeertut affaat angusinngitsoortarput. Kommuneqarfik Sermersoorli kisiartaalluni taamatut nalaataqarneq ajorpoq, tassanilu atuartut danskit tuluillu oqaasiini angusarissaarnerusarput. Ilinniartitaanermullu naalakkersuisup Nivi Olsenip pissutsit quarsaarutigai

Ilinniartitaanermut naalakkersuisoq, Demokraatinit Nivi Olsen

Kisitsisimmi paatsuugassaanngillat. Atuartut meeqqat atuarfiannit soraarummeernerminni angusinngitsoorlutik Fx-imik F-imilluunniit (karakteritoqqani 00-p 03-illu nalinginik) angusisut amerlasoorujussuupput. Kisitsinermilu angusat aamma pitsaasorsuunngillat. Tamanna atuarfiit tamarmik 2014-imut kisitsisinik Inerisaavimmut nalunaarutigisaanni takuneqarsinnaavoq.

Ingammillu Qeqqata Kommuniani oqaatsinik ilinniartitsineq kinguussaaqqavoq, tassanilu atuartut 60 procentii oqaluttariarsornermi misilitsinnermi Fx-imik F-milluunniit angusaqartarput. Tuluillu oqaasiini oqaluttariarsornermi angusinngitsoortut 40 procentiupput, allattariarsornermilu misilitsinnermi 34,4 procentit angusinngitsoorlutik.

Allaaserineqartoq aviisimi Sermitsiami tamaat atuarneqarsinnaavoq. Aviisi ataani pisiariuk:

Powered by Labrador CMS