Neqi A/S

Nivi Olsenip akissut naammaginngikkaa

Inatsisartunut ilaasortaq, Nivi Olsen, isumaqarpoq, Neqi A/S-ip naatsiianik naatitsisartunut namminersortunut unammillerneranik paragraf 37 tunngavigalugu apeqqutini akissutissarsi gisimanagu, suliarlu erseqqissumik paasisaqarumalluni ingerlateqqinnialerlugu

Nivi Olsen
Medlem af Inatsisartut Nivi Olsen

Inatsisartunut ilaasortaq, Nivi Olsen, (D), ingerlatsivik pisortanit pigineqartoq Neqi A/S Sermitsiami nr. 34-mi allaaserisatsitut naatsiianik naatitsisartunut namminersortunut unammillernersoq pillugu paragraf 37 tunngavigalugu aggustip 31-ani apeqquteqarpoq.

Atuaruk: Naatsiianik naatitsisartoq: Neqi A/S-ip namminersortut unammillerpai

Allaaserisami allappugut Neqis A/S naatsiianik naatitsisartoq naatsiianik naatitsisartut namminersortut toqqaannartumik unammillerlugit aamma Neqi A/S naatsiianik namminersortunit pisiortorusunngitsoq. Allaaserisami aamma atuarneqarsinnaavoq, Neqi A/S-ip naatsiianik naatitsisarnera Nunalerinermut Naalakkersuisup Suka K. Frederiksenip uianit isumagisarineqartoq.

Nivi Olsenip tamanna paragraf 37 tunngavigalugu apeqquteqassutigaa, tassanilu Neqi A/S-ip Tuttutuumi naatsiiassanik ikkussuisitsisimanera ilumoornersoq taamaalillunilu naatsiianik naatitsisartunut namminersortunut piviusumik unammillertuunersoq, kiisalu Suka K. Frederiksenip uia naatsiianik naatitsinermik isumaginnittuusoq ilumoornersoq akissuteqarfigeqqullugit.

Taassuma paragraf 37 tunngavigalugu apeqqutaanut akissut septembarip 15-iani takkuppoq, kisiannili Nivi Olsen isumaqarluni, apeqqutini akineqarsimanngitsut.

– Akissutit ersernerluttorujussuupput. Apeqqutikka tamakkiisumik akissuteqarfigisimanngilaat misigisimavungalu nassuiaateqarluaratik sukkanerpaamik akiniaannarsimasut. Naatsiianik naatitsisartoq Ferdinand Egede allaaserisami oqarpoq, tuniseqqusaanatik, inuttullu ilimagaara asuliinnaq taamatut oqarsimanavianngitsoq. Tunngavissaqarsimassaaq, Nivi Olsen oqarpoq.

Atuaruk: Neqip naatsiaanik naatitsisartut tamaasa naatsiianik pisiniarfigisarpai

Allaaserisaq tamakkerlugu sapaatip-akunnerani Sermitsiaq saqqummertumi atuaruk: Aviisi uani pisiariuk:

Powered by Labrador CMS