Ilulissat
Nivi Olsen: Ilulissani GU-qalernissaa taamaammat unitsinneqarallarpoq
Nunatsinni illoqarfiit anginersaasa pingajuanni Ilinniarnertuunngorniarfeqalernissaa qanittumi pissanngitsoq politikkikkut akisussaasup nalunaarutigaa
Ilulissani Ilinniarnertuunngorniarfeqalernissaa pillugu Inatsisartut tulliani ataatsimeeqqilerneranni oqallisigineqannginnissaa Partii Naleqqamit Anthon Frederiksenip uggoraa.
lIulissani Ilinniarnertuunngorniarfeqalernissaanik, timersornermillu llinniarfeqalernissaanik pilersitsinissamik sukumiisumik misissuisoqarnissaanik Naalakkersuisut peqquneqarnissaannik 2012-imi inatsisartut aalajangiisoqaraluarpoq.
Tamanna ilinniartitaanermut naalakkersuisup Nivi Olsenip Demokraatineersup uppernarsarpaa.
- Inatsisartut 2012-imi ukiakkut ataatsimiinnermi aalajangiinerisa malitsigisaanik suliassamik misissuineq aallartinneqarpoq, kisiannili naammassineqanngitsoorluni, qaammatialuit qaangiunneranni qinersisoqarnissaa nalunaarutigineqarmat, Anthon Frederiksenip paragraf 37 naapertorlugu apeqqutaanut Nivi Olsen akissuteqarpoq.
Misissuineq peqqissaartumik ingerlanneqarnikuuvoq, aningaasaqarnikkullu pissutsit misissuiffigineqarnikuullutik kiisalu siunissami ilinniarnertuunngorniarfinni ukioqatigiiaat atualersussat amerlassusissaat ilanngullugit misissoqqissaarneqarlutik.
llinniartitaanerup pitsaassusaa ilinniarfissallu neqeroorutaasartut kiisalu ilinniartitsisussaqarniarneq qulakkeerumallugit nalilerneqarpoq, lIulissani llinniarnertuunngorniarfissaq minnerpaamik klassinut sisamanut inissaqartitsissasoq. Klassit marluk Ilulissaninngaanniissapput sinnerilu marluk sumiiffinnit assigiinngitsuneersuussallutik.