peqqarniisaarneq
Niuertarfissuarmi akikilliliineq kamaatigineqartoq
Stockholmimi lastbilit atorlugit saassussisoqarnerata kingorna niuertarfissuup Åhlénsimik atillip pisiassat saassussisoqarmat putsumik ajoquteqalersut akikilliliivigimmagit pisisartunit kamaatigineqarpoq.
Niuertarfissuaq Stockholmimiittoq Åhléns anorersuarsiulaavissorpoq.
Lastbili pisiniarfiup iluanut ingerlasoq
Tamanna pivoq Sverigimi illoqarfiit pingaarnersaanni tallimanngornermi ualikkut lastbilit toqqutigineqartumik saassussinerisigut pisiniarfimmut ingerlasimanerisa kingorna.
Taama svenskit nutaarsiassaqartitsiviat TT allaaserisaqarpoq.
Sverigimi illoqarfiit pingaarnersaanni saassussisoqarnerani inuit sisamat ajunaarput 15-llu ikilerneqarlutik, aqaguanilu Åhlénsimi pisiniartartut e-mailiminni allagarsipput: maanna pisiassat putsumit ajoquserneqarsimasut akikilliliivigivagut.
Pisiassat putsumit ajoquserneqarnikut
- Aqagu sapaammi Åhléns City Stockholm nalunaaqutaq 11.00 ammassavarput. Tassani pisiassat putsumit ajoquserneqarsimasut kælderimi pisiniarfiullu silataani tuniniassavagut.
- Timersuutit, sukujuit, kamippaat pinnersaatillu affaannarmik akeqassapput, Åhléns pisisartuminut allappoq.
Taassuma kingorna niuertarfissuup facebookimi quppernera pisisartunit kamattunit akikilliliinermik iluarisimaarinninngitsunit allaffigineqaqattaarpoq.