Imigassaq
Niuertarfiit imigassamut inatsit naalagaaniarnertut taagaat
Niuertarfiit inatsisissamut siunnersuummut imigassamik atuinikinnerulernissamik anguniagaqartumut akerliupput. Inatsit akuerineqassappat niuertarfiit akerliliinissartik isumaliutigaat
Naalakkersuisut assoralisimaalersimapput AG-mi kingullermi oqaluttuarineqarmat Naalakkersuisut inatsisissamik nutaamik pilersaaruteqartut, taamaalilluni imigassamik pisineq pisisartunut akisunerulerlunilu ajornakusoornerulerluni.
AG allaaserinnippoq.
Aamma atuaruk: Siunnersuut: Imigassanik akikilliisoqartarunnaassaaq
Inatsisissatut siunnersuut malillugu oqallissutaanerpaavoq immiaaqqamik, viinnimik imigassamillu kimittuumik akikinnerusumik pisinissaq inerteqqutaalissammat; tassalu nunami imigassap nunarsuarmi akisunerpaaffiani.
Inatsisissatut siunnersuut niuertarfinni ileqimisaartorfiuvoq. Nuummi Brugsenip pisortaata tullia brugsuddelerilu Jes Nyborg ersarissuliorpoq.
Aamma atuaruk: Imigassat akikillineqartarnerinut inerteqquteqarnissaq tapersersuisoqanngitsoq
- Imigassanik neqerooruteqarsinnaanermut niuertarfiit periarfissaannik killilersuiniarneq Brugsenimit sakkortuumik akerleraarput, oqarpoq nangillunilu, niuertarfiit isumaliutigilereeraat taamaattoqassappat qanoq iliussanerlutik:
- Tamatuma kingunerisinnaavaa akit nalinginnaasut sapaatit akunneri tamaasa qaffatsittarlugillu appartittarnissaat taamaaliornikkut oqariartuutiginiarlugu sapaatit akunnerini aalajangersimasuni nioqqutissat aalajangersimasut pisiarinissaat iluaqutissartaqartoq. Nioqqutissat neqeroorutigisinnaanerannut periarfissaarutissaaq akilli sapaatit akunnerisa ingerlaneranni assigiinngittuassapput. Soorlu tamanna ullumikkut taamaattoq.
AG-mi atuartartut taasitinneqarneranni takuneqarsinnaavoq 80 procentit sinnerlugit siunnersuummut akerliusut. Maannamut inuit 1.800-it taasisimapput, tassalu taamatut taasititsinerni amerlaqisut.
Politikerit atuisartulli inatsisissatut siunnersuummut akerliupput. Tamanna AG-mi atuarsinnaavat: