isumaqatigiissutit
Niuernikkut unioqqutitsilluni isumaqatigiissuteqartoqarsimaneranik pasitsaassineq
Silaannakkut angallassisarlutik aallarnissaasut naapertuilluanngitsumik pineqarsimapput. Taakku Disko Line aamma Air Greenland kiffartuussinissamik isumaqatigiissutit pillugit eqqunngitsuliornerarpaat
Timmisartuutileqatigiiffiup Aluu Ailinesip Unammillernermut Aqutsisoqarfimmiut kiffartuussinissamik isumaqatigiissutit nuannarineqanngeqisut pillugit unioqqutitsilluni isumaqatigiissuteqarsimaneranik pasitsaassineq pillugu saaffigigaat.
Aallarnisaasut naapertorlugit Disko Line aamma Air Greenland akit Disko Linep neqerooruteqarnermini ajugaassutigisai Disko Linep aamam Air Greenlandip akunnerminni isumaqatigiissutigisimagunavissorpaat.
Niuernikkut unioqqutitsilluni isumaqatigiissutigisartakkanik taaneqartartut unammillerneq pillugu inatsit naapertorlugu inerteqqutaapput, tamatumani ingerlatseqatigiiffimmi akit sumi inissisimanissaat pillugit isumaqatigiissuteqartoqarsimatillugu.
- Air Greenland, uagut neqerooruteqarnitta saniatigut, neqerooruteqarnerminni ajugaassanngikkaluarunik tamakkiisumik sillimmartaarsimasoq paasisimavarput. Tassa imaappoq Air Greenland marloriarluni neqerooruteqartoq, akisuumik ajugaassutigissallugu ilimaginngisaminnik aamma akikinnermik, tassanilu allanit atortitsillutik, Aluu Airlinesimi pisortaq Pele Broberg oqarpoq.
Air Greenlandimi namminerisamik neqeroorutit piaaraluni amerlanaagaapput, taamaalillutik ajorsarniassagamik. Akerlianik timmisartuutileqatigiiffimmiut Disko Linemut isertortumik akikinnerusumillu neqerooruteqarput, taamaalillunilu Disko Linemi suli pilerinarnerusumik neqerooruteqarsinnaalerluni taamaalillunilu naggataatigut ajugaalluni.
- Uagut unammillertutut neqeroorut ajugaatinneqartoq qanoq isikkoqarnersoq takusinnaanngilarput, taamaattumik unioqqutitsisoqarnissaa pillugu oqaasissavut sissuerpavut. Taamattumik Unammillernermut Aqutsisoqarfimmiut saaffigivavut aperalugullu suliassaq taanna taakkunani suliassaannginnersoq, Pele Broberg oqarpoq.
Aluu Airlinesimi aqqutit iluanaarniutigalugit iluanaarnannginnerusut pisortatigoortumik neqerooruteqartitsilluni salliutsitsisooqasimanera taamaattumillu pisortat tapiissutaataat atorlugit sullissisoqartoq isertuunneqanngilaq.
Manna tikillugu Disko Linep aaqqiissutaataa Aluu Ailinesimit ajornerunerarlugu isornartorsiorneqartarpoq, tassani suleqataasoq Bristow Group qulimiguulinnik nutaaliaanerusunik atugassiiniarpoq. Aluu Ailines peqataajunnaarmat Namminersorlutik Oqartussat aningaasatigut killiliussaat suli amerleqqittut ingerlatseqatigiiffimmi naapertuilluanngitsumik unammillerneqarsorisumi oqaatigineqarpoq.
Tassami Aluu Airlines neqerooruteqaqqaarnermi killiliussat 121 millioner koruunit malillugit neqerooruteqarpoq. Tamatuma kingorna Naalakkersuisut neqeroorutit 22 millioner koruuninik ilaqqippaat, taamaalilluni Disko Line naggataatigut 143 millioner koruuninik pissarsitillugu. Tamatumani Aluu Airlines aningaasat taama amerlatigisut neqeroorutigisinnaagaluarpagit susinnaagaluarnerminnik takutitsivigineqanngilaq.
Akit assigiissarneqarnissaat inerteqqutaavoq
Tassani Aluu Airlines malersorniarneqarsinnaanngilaq. Taamatut neqooruuteqartoqartillugu, assersuutigalugu Danmarkimi, neqerooruteqaqqittoqartariaqartoq Kalaallit Niunaanni neqerooruteqartarneq pillugu suliassaqarfik aalajangersaaffiginerqarsimanngilaq, sanaartornerit eqqaassanngikkaanni.