Imigassaq
Niuerfimmi ammanerulersitsinngitsoorneq
2012-imi Inatsisartut isumaqatigiillutik akuersissutigaat imigassamik tuniniaanermi ammasar it sivitsorneqassasut - Agathe Fontainili tukernersorpoq sulilu taamaalluni
Imigassaq pillugu inatsisissamut nutaamut siunnersuut peqqissutsimut nunanillu avannarlernik suleqatigiinnermut Naalakkersuisup Agathe Fontainip Inuit Ataqatigiinneersup Inatsisartut ukiakkut ataatsimiinneranni saqqummiunniagaa atuaqqissaaramiuk Demokraatiniit Justus Hansen tupigussimaqaaq.
Tupigusunneranut peqqutaanngitsuunngilaq Justus Hansen 2012imi Ilaqutariinnermut Peqqissutsimullu ataatsimiititaliami ilaasortatut isumaqatigiinniaqataasimammat immiaaqqanik, viinninik kimittuunillu niuertarfiit tuniniaanerisa sivitsornissaanut atituumik isumaqatigiittoqarmat.
Inatsisissatut siunnersuummi akunnerit ammasarfiit allanngortinniarneqanngillat taamaallaalli arfininngornikkut imigassamik tuniniaaneq qulingiluaniit ataatsimut pisartoq aqqanerniit pingasunut nuutinneqassalluni. (Arfininngornermi ammasarfiit Agathe Fontain naapertorlugu allanngortinneqarput inuit nangikkiarfimminniit toqqaannartumik niuertarfinnut imigassamik pisiniaqqinnissaat pinngitsoortinniarlugu).
– Niuerfimmili ammanerulersitsiniarneq sumut pisimava? Justus Hansen aperaaq.
Siumumiit Malik Berthelsen ukiut tallimat matuma siornagut siunnersuuteqarpoq niuertarfinni immiaaqqanik, viinninik kimittuunillu tunisinermi ammarsarfiit sivitsorneqassasut sapaatit akunnerata ulluini tamani unnukkut qulingiluanut killeqalersillugit.
Malik Berthelsenip siunnersuuteqarnermini tunngavilersuutigaa ammasarfiit sivitsornerisigut imigassamut isiginninnerup qasukkarnissaa killilersuiniarnerit imigassamik pissanganartorsiornarnerummata.
Allaaserisaaq Sermitsiami aviisimi tamakkerlugu atuaruk. Aviisi uani pisiariuk: