"Nipilersukkap meeraq ataasiinnarlunniit inersimasumik ikiortissarsiortissinnaappagu nipilersukkap anguniakkani angusimassavaa"

Videoliami assit "Ullorissat' meeqqanut ilisarnarpallaarujussuarput.

Philippip oqaluttuassartaraa, arlalinnulli oqaluttuaasinnaalluarpoq.

Ilaqutariinnermut Isumaginninnermullu Naalakkersuisoq, Sara Olsvig, ataasinngorpat Naalagaaffiit Peqatigiit meeqqanut ullorititaannut atatillugu ersarissumik oqariartuuteqarusuppoq.

Taamaammat hiphop-imik nipilersoriaatsimik ilisimaneqarluartut pingasut tassaasut, Peter Lyberth, Maasi Pedersen aamma Joef Tarrak suleqatiserai.

- Meerartagut qanorluunniit iliuuseqarlutik toqqissisimarusullutik oqariartuuteqaraluarpata, naalaartariaqarpagut tusarnaarlugillu. Taamaaliortariaqarpugut, tamanna akisussaaffik qimarratigissannginnatsigu, taanna tusagassiuutinut nalunaarummi allappoq.

- Phillip nipilersukkamini ersarissumik oqariartuuteqarpoq, soorlu aamma Maasi inuusukkallarami taamaaliorsimasoq. Ullumikkut nipilersugaq nutaaq saqqummerpoq, Maasip oqaluttuuteqqippaatigut, qanoq tusarnaarnissap qanorlu iliuuseqarnissap pingaaruteqartiginera

Maasi Pedersenip nipilersuusiamini inuusuttuunini oqaluttuarisimavaa.

- Kommuninut nalunaarusiat siunnerfipput allamut sangutissanngilaat, tassalu naggataani uagut inersimasut angajoqqaallu meeqqanut akisussaaffik annertooq tigummissagipput pingaaruteqarpoq, uagullu suaaruteqartussaasugut.

- Nipilersukkap meeraq ataasiinnarlunniit inersimasumik ikiortissarsiortissinnaappagu nipilersukkap anguniakkani angusimassavaa.

Allaaserisap qulaani video takusinnaavat