Nipilersornermik piviusulersaarut
Nipilersoqatigiit angalaarnerminni piviusulersaarusiaq saqqummersippaat
Nipilersortartut nuannarineqarluartut Nanook, Nunatsinni angalaarnerminni filmialiaq saqqummersippaat.
Piviusulersaarut tusarnaatitsinerni filimiarineqarsimavoq, piviusulersaarummilu ilaatigut takuneqarsinnaapput; apeqqarissaarnerit, Nunatsinnit tusarnaariat aammalu musikvideomi scenep tunuani takusassaqarpoq.
Piviusulersaarut niipilersoqatigiit Facebookimi quppernerani tamakkerlugu takuneqarsinnaavoq: Nanook Official Fanclub
Nipilersoqatigiit Nunat Avannarliit Siunnersuisoqatigiivisa 2017-imi nipilersornermut nersornaasiuttagaanut innersuussutigineqarsimapput. Nipilersoqatigiillu taakku nipilersoqatigiinnut, erinarsortartunut nipilersortartunulli nersornaammut unammeqatigisatik Danmarkiminngaanneersut, Finlandiminngaanneersut, Savalimmiuninngaanneersut, Islandiminngaanneersut, Norgeminngaanneersut, Sverigeminngaanneersut kiisalu Ålandiminngaanneersut ajugaaffigissaneraanerat Helsingforsimi Finlandiahusetimi novembarip ulluisa aallaqqaataani ersersinneqassaaq.