Atuakkanik atorniartarfik

'Nipi takkuppoq': Aasianni utoqqarnut suliniut

Utoqqaat pitsorluttut nammineerlutik aallersinnaanngikkaangata atuakkanik atorniartarfimmiik aggiunneqartalissaput, sullisseriaaserlu nutaaq atserneqarsimalluni 'nipi takkuppoq'.

Utoqqaat pitsorluttut nammineerlutik aallersinnaanngikkaangata atuakkanik atorniartarfimmiik aggiunneqartalissaput, sullisseriaaserlu nutaaq atserneqarsimalluni 'nipi takkuppoq'.

Aasianni atuakkanik atorniartarfik utoqqarnut nutaamik sullisseriaaseqarlerpoq.

Utoqqaat pitsorluttut nammineerlutik aallersinnaanngikkaangata atuakkanik atorniartarfimmiik aggiunneqartalissaput, sullisseriaaserlu nutaaq atserneqarsimalluni 'nipi takkuppoq'.

Aasianni atuakkanik atorniartarfimmi aqutsisoq, Marie Aamann, taama paasissutissiivoq.

- Suleqatima, Petrinep suliniummik aallartitsisimavoq, ukiorpassuarni utoqqaat angerlarsimaffianni sulisarsimanermigut paasisimavaa utoqqaat tusarnaarusukkaluarlutik atuakkanilluunniit atorniaraluartik nammineersinnaannginnertik peqqutigalugu taamaatitsiinnartartut.

Nuannarineqarluartoq

- Petrinep atuakkat immiussaatigut allattoriarlugit utoqqarnut agguaassimavai, utoqqaat taamaasillutik tusarusutaqarunik uatsinnut attaveqarsinnaapput. Atorneqarusuttulli Petrinep apuuttassavai, Marie Aamanni oqarpoq.

Atuakkanik atorniartarfimmiik utoqqaat isumaqatigiissutigineqartassapput qaqugukku takkuttoqartassanersoq. Atorniatarfimmilu sulisup atuakkanik nutaanik aggiussisassaaq atorneqarsimasulli utertillugit.

- Taamaasiornikkut utoqqaat atornissaminnut periarfissinneqassallutik. Aammalu atorniartarfimmi takuneq ajukkatsinnik nutaanik atorniartartortaassalluta, Marie Aamann oqarpoq.

- Sullissineq illoqarfimmi utoqqarnut amerlanerusunut atuutilernissaa neriuutigaarput – nuannaarutigaarpulli sullisseriaaseq nutaaq atorniartartutsinnit nutaanit tigulluarneqarlunilu nuannarineqarmat, Marie Aamann oqarpoq.

Powered by Labrador CMS