Nikoline Ziemer IA'p Nuummi immikkoortoqarfiani siulittaasunngorpoq

Nuummi Inuit Ataqatigiit ippassaq sisamanngornermi immikkut ataatsimeersuarput.

Siulersuisut nutaat qinerneqarput, Nikoline Ziemerilu IA'p illoqarfiit pingaanersaanni immikkoortoqarfiani siulittaasunngorpoq.

Vivi Vold Napa'mi atorfinni tunngavigalugu sapaatip-akunnerata siuliani siulittaasuujunnaarpoq.

Piffissami aggersumi siulersuisuit sammisat assigiinnitsut pillugit ilaasortaminut ataatsimiisitsiniarpoq, tassani inuiaqatigiinni sammineqartut ataatsimiissutigineqartassallutik. Sammisarlu siulleq tassaassaaq aalisarnermut politikkit, Nuummi Inuit Ataqatigiit siulittaasortaavat, Nikoline Ziemer, tusagassiuutinut nalunaarummi allappoq.

Atuaruk: Nuummi Inuit Ataqatigiit nutaamik siulittaasortaassapput

Nuummi Inuit Ataqatigiinni siulersuisunngortut:

• Siulittaasoq: Nikoline Ziemer
• Siulittaasup tullia: Paninnguaq Falck-Petersen
• Anigaaserisoq Jakobine Motzfeldt
• Allatsi: Therkild Huusum Isaksen
• Siulersuisuni ilaasortat: Aviaja Vandersee Kleist aamma Sikem Andreassen
• Sinniisussat: Lily Mikaelsen, Søren Lynge, Tikaajaat Kristensen aamma Malene Lynge