paarlaaneq

Nick Nielsenip soraarsitaanini tupaallaatigaa

Siumumi politikkerip paasisinnaanngilaa sooq ilisimatinneqaqqaarnani Folketingimi ilaasortaanerminit unittariaqalernini

Nick Nielsen
Nick Nielsenip allagarsiani Facebookimi saqqummiuppaa
Leiff JosefsenNick Nielsenip allagarsiani Facebookimi saqqummiuppaa Leiff JosefsenNick Nielsenip allagarsiani Facebookimi saqqummiuppaa Leiff JosefsenNick Nielsenip allagarsiani Facebookimi saqqummiuppaa

Pingasoriarluni oqaluttarfimmi oqaaseqarpoq. Pituffik pillugu suliami ataasiarluni oqaaseqarpoq, ataasiarluni Nunatta aningaasaqarnera pillugu oqaaseqarpoq kiisalu ataasiarluni aningaasaliisoqarnissaanik piumasaqaammi oqallinnermi oqaaseqarluni.

Nick Nielsen Folketingimi ilaasortaanermini tamakku suliarai.

Siumup allattaanit Mikael Petersenimit mailikkut allaffigineqarpoq Doris Jakobsen folketingimi ilaasortaaleqqissasoq marlunngornermi. Taamaasilluni Nick Nielsen Folketingimi ilaasortaavoq qaamatit marluk ataallugit.

'Pituffimmut tunngatillugu suliami misilittagalimmik Naalakkersuisunillu suleqateqarsinnaasumik Folketingimi ilaasortaqarnissaq pingaaruteqartoq' Naalakkersuisut siulittaasuat Kim Kielsen pisortatigoortumik nalunaarutigaa.

Soraarsinneqarnini Facebookimi saqqummersippaa
Kim Kielsen aamma Nick Nielsen pisoq pillugu Sermitsiaq.AG-mut oqaaseqarusunngillat.

Sermitsiaq.AG-mit paaserusunneqaraluarpoq Nick Nielsenimit kiisalu Naalakkersuisunit Naalakkersuisut siulittaasuatalu Naalakkersuisoqarfianit isumaqatigiinngittoqarnersoq. Tassani suliffeqarfiup Exelis Servicep oktobarip aallaqqaataani Pituffimmi kiffartuussinissamut isumaqatigiissutip atuutilernissaanut Naalakkersuisut suleqataasimanerannut atatillugu sulinermi Folketingimi ilaasortaasup allatut isumaqarnera paaserusunneqaraluarluni.

Aamma Sermitsiaq.AG-mit paaserusunneqaraluarpoq Siumumi politikkerip nammineerluni sulisimanini uggornartissimaneraa, aamma sooq Facebookimi sooq allannersoq soraarsitaanini sooq tupaallaatigineraa paaserusunneqaraluarluni. Oqarpormi Siumumi siulersuisuinit ilisimatinneqaqqaarnani Folketingimi ilaasortaajunnaarpoq.

Pituffiliaqataarusussimanngilaq
Folketingip Kalaallit Nunaat pillugu ataatsimiititaliaata Pituffimmukartussaaneranut sooq Nick Nielsen peqataarusussimannginnera aamma apeqqutigineqarusukkaluarpoq. Angalaqataasussatummi tikilluaqqusaagaluarpoq marsip 25-ani pisussami.

Nick Nielseni Folketingimi ilaasortaajunnaarnerminut atatillugu Siumumit Mikael Petersenimit mailikkut allagarsiani saqqummiuppaa.

Siumumeersoq Doris Jakobsen, decembarip aqqaneq aappaani 2014-imi peqqissutsimut nunanillu avannarlernik suleqateqarnermut naalakkersuisutut ivertinneqartoq, Folketingimut qinersisoqarnissaata tungaanut Folketingimi ilaasortanngoqqinniarluni Naalakkersuisunit sulinngiffeqarniarluni qinnuteqarpoq.

Nick Nielsenip soraarsitaaneranut tunngaviusoq ataani takuneqarsinnaavoq.

Pituffik pillugu suliaq sooq Nick Nielsenip Folketingimi ilaasortaajunnaarneranut pissutaanersoq aviisimi AG-mi atuarneqarsinnaavoq AG uani pisiariuk

Powered by Labrador CMS