Qimarnutitsineq

Niaqornat aarlerinartorsiorfiujunnaartoq

Niaqornani, Saattuni, Ukkusissani, Ikerasanni Uummannamilu innuttaasut aarlerinartorsiorunnaarput.

Kalerrisaarneqarnissamut sillimaqusineq taamaatissimasoq allaaserisimavarput. Tamannalu Illorsuarnut Nuugaatsiamulli atuutinngilaq.

Niaqornani, Saattuni, Ukkusissani, Qaarsuni Uummannamilu innuttaasut aarlerissutissaaruttut, GEUS-ip GEUS-illu suleqataasa uuttortaasimanerat aallavigalugit nalilerneqarpoq.

Nuugaatsiami, Illorsuarni Niaqornanilu innuttaasut qanoq pineqassanersut Namminersorlutik Oqartussanit kommunimiillu sulissutigineqarpoq.

Kalaallit Nunaanni Politiit tusagassiuutinut nalunaarummi alllapput.

Niaqornani Illorsuarnilu innuttaasut ataasinngornerup unnukkuani qaqqarsuup ilaa imaanut sisooqqissinnaanera ilimagineqalermat qimagussortinneqarput.

Taamatuttaaq Saattuni, Ukkusissani, Ikerasanni Qaarsunnilu innuttaasut qinnuigineqarput imap pissussaa eqqumaffigissangaat kalerrisaarulli appippat qutsissumut qimaaqquneqarlutik.

Illorsuillu suli aarlerinartorsiorfiuvoq Niaqornani aarlerinartorsiorfiujunnaarsimavoq. Nunaqarfiillu sinnerini sillimaqqusineq atorunnaarsinneqarpoq.

Taamatuttaaq Uummannami peqqinnissaqarfik ammaqqippoq. Peqqinnissaqarfik ataasinngorneq aallarnerfigalugu naliginnaasumik ingerlaqqilernissaa naatsorsuutigineqarpoq.

Powered by Labrador CMS