Pinngortitami ajunaarnersuaq
Niaqornani innuttaasut sapaatip akunnerata tulliani angerlarsinnaasut
Niaqornanit qimangutsitsineq taamaatinneqarsimalerpoq, innuttaasuilu nunaqarfiminnut angerlarnissaat oqartussanit sulissutigineqaleruttorpoq."Tamanna sapaatip akunnerata tulliani pissaaq", ingerlatsivimmi pisortaq oqarpoq.
Sapaatip akunnerata tullia aallartippat Niaqornani innuttaasut nunaqarfiminnut utersinnaalissapput.
- Sapaatip akunnerata naanerani pisssanngilaq, naatsorsuutigilluinnarparalu sapaatip akunnerata tulliani piumaartoq. Ataasinngorpat marlunngorpalluunniit tamanna piumaartoq ilimagaara, Qaasuitsup Kommuniani ingerlatsiveqarfimmi pisortaq, Sivso Dorph, Sermitsiaq.AG-mut oqarpoq.
Sapaatip akunnerata naaneraniilli qimangutsinneqartut
Sapaatip akunnerani uani ataasinngornermi nunaqarfinni innuttaasut, nunaqarfiisa malissuarmit eqqugaaqqissinnaanerat oqartussanit nalilerneqarmat qimangussorneqarsimapput.
Nuugaatsiarmiut, Illorsuarmiut Niaqornarmiulli inuit qimangussorneqarsimasut 190-it missaaniittut ilaat Uummannamiipput sinnerilu Aasianniillutik.
Illorsuarni Nuugaatsiamilu innuttaasut qimangutsinneqarsimanerat attatiinnarneqarpoq.