qinersineq
NI-mi Nuummiittumi qinersititsisuusaartoqarnerani IA taaguunneqarnerpaasoq
Qinersititsisuusaarnermi Inuit Ataqatigiit qinersisut pingajorarterutaannit taaneqarput
Inuit Ataqatigiit Nuummi Niuernermik Ilinniarfimmi nuannarineqarnerpaapput.
Atuarfimmi qinersititsisuusaarnermi Inuit Ataqatigiit 33-nit taaneqarput.
Demokraatit 24-nit taaneqarput Siumukkullu 23-nit taaneqarlutik.
Partii Inuit qineqqusaartitsinermi peqataasortaqanngillat, Partii Naleqqami aamma Atassummi sassartut kingusinaarlutik takkullutik.
Ilinniartut 150-it missaat soqutiginnillutik peqataapput.
- Ilinniartut atugaannik pitsanngorsaasoqarnissaa pillugu apeqquteqartoqaqattaarpoq. Tassani kikkut tamarmik naligiimmik ilinniarnissamut periarfissaqarnissaat anguniarneqarluni. Ilinniartut ineqarnerat aamma pitsanngortariaqartoq piumasarineqarpoq, Niuernermik Ilinniarfimmi ilinniartitsisoq Hans Kastrup Andersen nalunaarpoq.
Qinersititsisuusaarnerup inernera:
- Inuit Ataqatigiit 33-nit taapeqarput
- Demokrat 24-nit taapeqarput
- Siumut 23-nit taapeqarput
- Atassut 12-nit taapeqarput
- Partii Naleraq tallimanit taapeqarput
- Løsgængere marlunnit taapeqarput
- Partiit Inuit ataatsimik taaneqarpoq